Volven os obradoiros ás escolas

A oferta educativa de Endesa Educa volve a incluír os obradoiros que se realizan nas escolas a área metropolitana de Barcelona, entre as súas actividades. Dende hoxe, pódense facer as reservas para os dous obradoiros, que comezarán a se impartir a partir do mes de febreiro. A Maxia da Electricidade e Midamos a Electricidade , cunha versión actualizada, permiten descubrir os segredos do fenómeno eléctrico observando e experimentando cos conceptos introducidos na tecnoloxía.  

A Maxia da Electricidade é a actividade dirixida a Primeiro Ciclo da Secundaria. Con ela, o alumnado trata os principios básicos da electricidade, coma as forzas de atracción e repulsión nos imáns. Tamén experimentan coa obtención de electricidade dende diferentes fontes de enerxía coma o Sol ou o vento. Introdúcese o concepto do Efecto Joule, e dánselle ferramentas para identificaren e distinguiren os materiais condutores dos illantes. 

Para o alumnado do Segundo Ciclo da Secundaria, polo contrario, ofrécese Midamos a Electricidade. Neste obradoiro, os estudantes comproban a resistencia de diferentes materiais axudándose dun multímetro. Tamén descobren o funcionamento dun circuíto eléctrico e calculan as súas resistencias. Profúndase no fenómeno do Efecto Joule e como minimizalo. Finalmente, trabállase a función dos imáns na corrente eléctrica.

A diferenza das outras actividades ofrecidas por Endesa Educa, tanto na “Maxia da Electricidade” como en “Midamos a Electricidade”, un membro do equipo de educadores trasládase até o centro para impartir os obradoiros.